Տեղի է ունեցել Բռնի անհետացումների հարցերով կոմիտեի՝ Հայաստանի հետ երկխոսությունը՝ ՀՀ ԱԳՄԱ նախարարի տեղակալի գլխավորությամբ
սեպտեմբեր 15, 2026
Սեպտեմբերի 14-ին Ժնևում՝ Բռնի անհետացումների հարցերով կոմիտեի 31-րդ նստաշրջանի շրջանակներում, տեղի է ունեցել Հայաստանի հետ երկխոսությունը։
Հայաստանի պատվիրակությունը գլխավորել է ՀՀ ԱԳՄԱ նախարարի տեղակալ Ռոբերտ Աբիսողոմոնյանը։ Պատվիրակության կազմում երկխոսությանը մասնակցել են ՀՀ ԱԳՄԱ, Արդարադատության, Ներքին գործերի, Առողջապահության նախարարությունների, Ազգային անվտանգության ծառայության, Քննչական կոմիտեի, Միջազգային իրավական հարցերով ՀՀ ներկայացուցչի գրասենյակի և ԱՆ դատաբժշկական գիտագործնական կենտրոնի ներկայացուցիչները։
Հանդիպման ընթացքում ՀՀ ԱԳՄԱ նախարարի տեղակալ Ռոբերտ Աբիսողոմոնյանը հանդես է եկել բացման խոսքով՝ անդրադառնալով Հայաստանի հանձնառությունների իրականացման գործում գրանցված առաջընթացին, ընդգծելով առկա մարտահրավերների վերհանման և հասցեագրման, ինչպես նաև Կոնվենցիայի լիարժեք ու արդյունավետ իրագործման կարևորությունը։
Ներկաների ուշադրությանն է ներկայացվել Կոմիտեի դիտարկումների հասցեագրման հարցում Հայաստանի կողմից գործադրված ջանքերը, այդ թվում՝ իրավական, ինստիտուցիոնալ և գործնական քայլերը, որոնք միտված են բռնի անհետացածների և իրենց ընտանիքների համար մարդու հիմնարար իրավունքի պաշտպանության, օրենքի գերակայության և արդարադատության ապահովմանը։